తెలంగాణలో పదో తరగతి (ఎస్ఎస్సీ) పబ్లిక్ పరీక్షల సందడి శనివారం నుంచి ప్రారంభం కానుంది. రాష్ట్రవ్యాప్తంగా 5లక్షల 28 వేల మందికి పైగా విద్యార్థులు ఈ పరీక్షలకు హాజరుకానున్నారు. ఇందుకోసం 2,676 పరీక్ష కేంద్రాలను ఏర్పాటు చేసినట్లు పాఠశాల విద్యాశాఖ వెల్లడించింది. ఏప్రిల్ 16 వరకు ఈ పరీక్షలు కొనసాగుతాయి. ఉదయం 9:30 గంటలకు పరీక్ష ప్రారంభం కానుండగా, విద్యార్థులు ఉదయం 8:30 గంటలకల్లా కేంద్రాలకు చేరుకోవాలని సెకండరీ ఎడ్యుకేషన్ బోర్డు సూచించింది. ఆలస్యంగా వచ్చేవారికి ఐదు నిమిషాల గ్రేస్ పీరియడ్ ఉంటుందని తెలిపింది. హాల్ టికెట్లను ఇప్పటికే పాఠశాలలకు పంపించామని, అధికారిక వెబ్సైట్ నుంచి కూడా డౌన్లోడ్ చేసుకోవచ్చని అధికారులు తెలిపారు.
About the Author
