స్టార్ హీరోయిన్ సమంత తన అభిమానులకు పెద్ద సర్ప్రైజ్ ఇచ్చారు. గత కొంతకాలంగా తన ప్రేమ, పెళ్లి గురించి వస్తున్న ఊహాగానాలకు తెరదించుతూ, ప్రముఖ దర్శకుడు రాజ్ నిడిమోరును వివాహం చేసుకున్నారు. ఈ ఉదయం వీరి వివాహం అత్యంత నిరాడంబరంగా, ప్రైవేట్ గా జరిగింది. తమ పెళ్లికి సంబంధించిన తొలి ఫొటోలను సోషల్ మీడియాలో పంచుకుని ఈ విషయాన్ని సమంత అధికారికంగా ప్రకటించారు.
తమిళనాడులోని కోయంబత్తూర్ సమీపంలో ఉన్న ప్రఖ్యాత ఈశా ఫౌండేషన్లోని లింగ భైరవి ఆలయంలో వీరి వివాహ వేడుక జరిగింది. అత్యంత సన్నిహితులు, కొద్దిమంది కుటుంబసభ్యుల సమక్షంలో ఈ వేడుకను పూర్తిచేశారు. అనంతరం సమంత, రాజ్ నిడిమోరు తమ ఇన్స్టాగ్రామ్ ఖాతాల్లో పెళ్లి ఫొటోలను షేర్ చేశారు.
About the Author
