రేపు ‘గుర్రం పాపిరెడ్డి’

నరేష్‌ అగస్త్య, ఫరియా అబ్దుల్లా ప్రధాన పాత్రల్లో నటించిన చిత్రం ‘గుర్రం పాపిరెడ్డి’. ‘డార్క్‌ కామెడీ’ అనే వైవిధ్యమైన జోనర్‌లో ఇది తెరకెక్కింది. ఈ నెల 19న విడుదల కానున్న నేపథ్యంలో, తాజాగా చిత్ర యూనిట్‌ ప్రీ-రిలీజ్‌ ప్రెస్‌ మీట్‌ను నిర్వహించింది. ఈ వేడుకలో బ్రహ్మానందం ముఖ్య అతిథిగా పాల్గొని చిత్ర విశేషాలను పంచుకున్నారు. ఈ చిత్రంలో ఆయన జడ్జి పాత్రలో కనిపిస్తున్నారు. ఆయన మాట్లాడు తూ, ‘ఈ సినిమా కథను ప్రేక్షకులకు వివరించే కీలక బాధ్యత తన పాత్రదేన’ని తెలిపారు. ‘దర్శకు డు మురళీ మనోహర్‌ ఈ తరం ప్రేక్షకులకు నచ్చేలా ఒక సరికొత్త కథాంశాన్ని ఎంచుకున్నారు. నరేష్‌ అగస్త్య, ఫరియా అబ్దుల్లా తమ పాత్రల కోసం పడిన శ్రమ అద్భుతం. ముఖ్యంగా వారి ఓల్డ్‌ ఏజ్‌ గెటప్స్‌ చూసి నేను మొదట గుర్తుపట్టలేకపోయాను’ అని ప్రశంసించారు.